【咁多款iPad要点拣？】学生买iPad前必读攻略

iPad Pro 买咩尺寸好？ iPad 可唔可以直接当电脑用？ 二千几蚊既magic keyboard值唔值？

其实全部iPad既分别都係係价钱、mon既大细同处理器方面。

**1.价钱：**Pro > Air > Mini > iPad

**2.Mon既大细：**Pro > Air > iPad > Mini

**3.处理器：**Pro >Air = Mini > iPad (虽然 Pro 既处理器比Air同Mini效能都好好多，但係优势主要都係体现係剪片同出图呢啲高强度既工作上面。所以，学生平日上堂用或者上下网搵资料，例如去Flowsophic补习社介绍个page睇下有咩补习班既话，Air同Mini都好够用。)

究竟边款iPad先好?

iPad & iPad Air: 如果中学生係买黎睇 pdf、抄笔记、打笔记 ( 细细声同你讲 https://flowsophic.com 有好多笔记任你拣！）、做 DSE Past Paper 、画图既话，air 同普通既iPad 都好够用。不过当然，如果钱唔係问题，Pro用起上黎真係好好多XD，因为窄既边框对个使用感受真係影响好大。

iPad Mini: 咁买Mini既话，主要既考虑都係个大细姐，就係大家睇下会唔会想当係一本笔记簿跟身咁带黎带去。

iPad Pro: 如果大家有剪片、设计出图既需要既话，就要考虑iPad Pro 啦。虽然佢既处理器同Air、Mini又唔係真係争好远，但係就可以处理一啲Air、Mini难啲处理既好intense既工作，例如同时edit几条4K既片。同埋iPad Pro大啲既mon都方便大家係使用颜色、笔刷等视窗既时候，都仲有好多既可视空间可以睇番条片或者个设计，成个工作期间既体验都会好啲。

如果买iPad Pro买11定12寸好？

我个人係比较推荐12寸既。

12 寸iPad Pro 个mon既其实就係最早开始既iPad尺寸既double，所以多工作业，分左两个视窗既时候，其实就当係两部iPad 摆埋一齐用，所以啲视窗显示既比例就係佢哋一开始设计、最佳既比例，睇起上黎同用埋上黎都比较顺。
另外，如果大家iPad 想同键盘一齐用既话，11寸 iPad Pro有啲按键同触控板都会缩到比较细，使用既时候唔一定方便。

至于尺寸同重量方面，其实又唔係争得好远既。 12 寸既iPad Pro 都可以容易摆入女仔啲细既背囊度。

咁iPad可唔可以取代电脑？

虽然iPad Pro既广告标题係”你的下部电脑何必要是电脑”，但其实呢句野都有啲狡猾。你的下部电脑可以係假设左你有部电脑，咁已经有部电脑既情况下，下部电脑当然唔一定要係部正常电脑haha

咁我认为其实依家iPad都未可以取代到电脑既。因为:

好多软件未改善实体键盘同触控板既使用问题。例如一个好唔方便既问题: Apple既大对头 Google 同Microsoft 啲文书软件係选择文字既时候仲需要用手去选择，唔可以用触控板，好似电脑咁拖动个光标去选择文字。虽然呢个都係时间上既问题，但係magic keyboard出左咁耐佢哋都未改善，应该想拖得就拖 QAQ

好多software 仲未有iPad既版本。例如Adobe都净係出左Photoshop既iPad版本。而Acrobat个pdf 编辑器iPad版本又係缩水版，比起电脑版少左好多功能。

但係如果你已经有一部电脑，iPad 作为一个补充品真係好好用。唔想带住好重既电脑出街既时候，iPad 可以帮你处理简单既文书工作，同时又可以俾你写野、抄笔记，方便温书。

Magic Keyboard 使用体验

呢个keyboard出左之后，评价都好坏参半，可能係因为好多人觉得Apple可以做得更好。

做得好既：

magic keyboard下面有个插口可以直接帮iPad Pro插电，咁本身iPad既插口就可以用黎插usb或者驳其他野

magic keyboard比起其他Apple 既iPad keyboard，打字既时候会舒服好多，因为键程大左，所以都会有翻多哋手感

成个设计好紧凑。iPad 同 keyboard 中间悬浮既位置可以摆落一部iPhone Pro 同尿袋，係唔同场所插电或者用都可以好悭位

因为处理器啲野都係iPad度，所以成旧野摆係大腿上面用既时候都唔会feel到keyboard下面好热

做得唔好既：

大家特别要留意既係个重量，装左magic keyboard既iPad 个重量差唔多会double左，12寸iPad+magic keyboard 其实已经同 13寸既Macbook Pro 差唔都重

因为个keyboard 得一个开合方向，而冇其他折叠方法，所以画图/写字既时候可能会唔係好舒服，或者就要攞部iPad落黎，或者反番转黎用。但係我自己使用既时候，就算係悬浮係度写字/画图，都仲接受到

另外，当然啦，个keyboard好多人都觉得贵，同埋净係用到係iPad Pro度。咁值唔值其实就睇个人既～

小结

因为iPad暂时都取代唔到电脑，而好多同学开学前如果买左部电脑之后，其实都冇好多钱净。咁大学入面我见最多人用既都係iPad 同 iPad Air。不过如果大家唔係急住用既话，可以等下Apple 九月既发布会，据闻iPad Air可能会升级为好似iPad Pro 窄边框既版本（未经证实，都係戴番头盔先～）